A FIGUEIRA DE PELOSTORTOS(OQO Editora)

Autor: Miguel Pérez ArteagaHai selvas-illa, selvas-montaña e selvas-trampolín. En cada selva, claro, hai un lobo. Tamén un alce e un caribú. O lobo pasa os días a correr atrás deles, ata que os pilla e os come. Entón, busca outra selva. Nesta selva, non había lobo nin alce nin caribú, pero tiña unha árbore no alto dun outeiro. Unha árbore que non era como as outras: falaba. Non se lle entendía nada, pero falaba. —Nunca vira unha árbore tan pouco árbore –dixo o lobo.Entre Cambrils e Mont-roig, en Tarragona, hai unha praia agochada; para chegar onda ela hai que pasar por unha corga e por unha praia de grandes pedras. Entre esas penas acumúlase o lixo que trae o mar: caixas de peixe do peirao máis próximo, aramios enferruxados, latas, anacos de madeira das árbores que arrastran as riadas… De aí parte Miguel A. Pérez Arteaga para crear este álbum singular.“Os materiais que atopo na praia fanme pensar en África” –di Miguel Ángel. Por iso, o autor escolleu ilustrar unha antiga fábula africana. Pensando nos materiais dos que dispón, modifica a narración, acurta os diálogos e constrúe os espazos, creando un ambiente poético e inspirador. Nel atópanse unha árbore que fala e un lobo que se cre moi listo, nunha historia que representa a figura universal do burlador burlado: o lobo persegue alces e caribús nunha carreira sen fin, de selva en selva, ata que cae na súa propia trampa.Co uso de obxectos de refugallo, o autor busca educar e desenvolver a sensibilidade artística e creativa, fomentar o amor polo reciclado, polo imperfecto, e motivar os lectores para construír as súas propias historias.A partir de 4 anos.

Autores: PEP BRUNO / Ilustrador: MATTEO GUBELLINISae da vila, colle o camiño que leva ao val profundo, entra no bosque escuro e busca unha casa solitaria rodeada por un valado… Se te atreves, claro!Nesta historia recórrese ao suspense e á tensión narrativa para abordar a inquietante aínda que finalmente divertida xornada que vive o pequeno protagonista nun día que cría predecible: comer torta e apagar as candeas no seu aniversario. A partir de 4 anos.

Autora: BEATRIZ MONTERO / Ilustrador: RAÚL NIETO GURIDIO carteiro subiu, subiu, subiu pola escaleira.. Chamou á porta: Din-don! Din-don! Non había ninguén. Deixou a carta no chan… … e baixou, baixou, baixou pola escaleira.Esta acción repítena, co mesmo resultado infrutuoso, o zapateiro, o xardineiro e o panadeiro. Deste xeito, enriba da carta depositada ante a porta do cuarto piso acaban acumulándose un par de zapatos, un ramo de flores e unha barra de pan ata que entra en escena unha nena resolta.Do mesmo xeito que o resto de personaxes, a pequena sobe pola xa coñecida , para os lectores,  escaleira ata o tamén consabido cuarto piso. Unha vez alí, o relato dá un xiro inesperado, grazas á espontaneidade e picardía da pequena que resolve con graza e de inmediato toda a trama.Con este conto, Beatriz Montero pretende espertar as capacidades intelectuais dos máis pequenos. Por iso, ten unha estrutura sinxela e repetitiva que facilita a memorización e o xogo de interacción cos nenos. “Subir e baixar a escaleira dota o conto dun movemento divertido, por onde pasan personaxes con diferentes oficios”.A rapidez no desenvolvemento das accións fai máis sinxelo o seguimento da trama. Ademais, a construción da historia prodúcese de tal modo que esperta a curiosidade e alimenta o interese por coñecer o desenlace.

Autora: ANNA CASTAGNOLI / Ilustrador: GABRIEL PACHECOPremio Isaac Díaz Pardo ao Libro Ilustrado 2009Algún día, quizais dentro de pouco, construirei un barco moi grande; que flote como os barcos e tamén voe como os avións, aínda que non sexa máis que un barco; que se desprace sobre a terra e baixo a auga, como se dun barco rodante se tratase, ou dunha nave submarina…Un neno imaxina unha grande viaxe chea de prodixios. Surcará o mundo, atravesará países en guerra, rescatará animais en situación de perigo… para, finalmente, regresar convertido nun heroe.A viaxe, coma metáfora da vida, conducirá ao protagonista a descubrir o mundo e a se mesmo, porque no camiño sempre hai encrucilladas. A imaxinación e a fantasía, ademáis de para inventar peripecias e situacións, serviranlle ao pequeno viaxeiro para construir a súa propia identidade.A partir de 4 anos.

Autora: EVA MEJUTO (a partir dun conto popular portugués) / Ilustrador: ANDRÉ LETRIANon vin vella nin velliña,nin velliña nin vellón.Corre corre, cabaciña.Corre corre, cabazón!,respondía á cabaza que ía rodando polo camiño,ante a mirada estupefacta do lobo, do oso e do león.Quen estará dentro dela, facendo burla das tres feras?Corre corre, cabaciña é un conto popular portugués, de gran tradición no país veciño. Relata a historia dunha velliña que, de camiño ao casamento da neta, atopa un lobo, un oso e un león que a queren comer. Ela convence os animais para que a esperen á volta do convite e, despois da celebración, a neta e a velliña argallan algo moi orixinal para burlar as tres feras.